Avioni i parë ulet në Aeroportin e Vlorës, Rama: Në janar nis fluturimet nga Kukësi “Air Kosova”

Shqiperi

Gazeta Express

08/05/2025 15:16

Aeroporti ndërkombëtar i Vlorës ka pritur sot fluturimin e tij të parë testues. Ulja e avionit shënoi certifikimin teknik të pistës, ndërkohë që vijon procesi i certifikimit për komponentët e tjerë të aeroportit.

Kryeministri Edi Rama, i pranishëm në këtë ceremoni, e cilësoi projektin si sfidues.

“Projekti s’ka qenë aspak i lehtë. Vetë fakti që i gjithë aeroporti është ngritur mbi terren, për të garantuar një platformë solide të standardeve më të larta ndërkombëtare, tregon punën e madhe të bërë”, deklaroi Rama.

Ndërkohë, Rama njoftoi edhe nisjen e një kompanie të re ajrore shqiptare, “Air Kosova”, e cila sic tha ai do të operojë fluturime nga Aeroporti i Kukësit duke filluar nga janari.

“Kompania është regjistruar dhe së shpejti do të nisë fluturimet nga Kukësi, për të mos u ndalur më. ‘Air Kosova’ do të jetë një tjetër histori suksesi në aviacionin shqiptar”, theksoi Rama.