Xi Jinping mbërrin në Moskë

Lajme

Gazeta Express

08/05/2025 9:08

Presidenti i Kinës ka mbërritur në Moskë për festimet vjetore të Ditës së Fitores në Rusi.

Xi Jinping mbërriti dje për bisedime me Vladimir Putinin, disa orë pasi dronët ukrainas shënjestruan Moskën, shkruan Sky News.

Ishte dita e tretë që Ukraina kishte synuar Moskën, me një nga aeroportet kryesore të qytetit të detyruar të pezullonte përkohësisht aktivitetet më pak se tre orë para mbërritjes së Xi-t.

Kur u pyet për sulmet ajrore nga të dyja palët në kryeqytetet e tyre përkatëse, një zëdhënës i Ministrisë së Jashtme kineze nuk komentoi udhëtimin e Xi-së, duke shtuar se i vetmi “prioritet kryesor” është shmangia e një përshkallëzimi të tensioneve.