Kuvendi njofton për seancën e nesërme konstituive, çfarë do të eksperimentojë Kurti këtë herë?

Lajme

Gazeta Express

02/05/2025 16:07

Kuvendi i Kosovës përmes një komunikate për media ka njoftuar për seancën e radhës për konstituimin e Kuvendit të Kosovës që do të mbahet të shtunën.

Seanca do të mbahet në orën 10:00, ku LVV si parti e parë në zgjedhje do të provojë përsëri të zgjedh kryetaren e Kuvendit.

Në seancën e fundit, partia e Kurtit kishte provuar që të ndryshojë mënyrën e votimit, megjithatë s’kanë pasur votat e mjaftueshme as për këtë gjë.

Në gjashtë seanca rresht, LVV ka dështuar t’i mbledh 61 vota për ta zgjedhur Albulena Haxhiun kryetare të Kuvendit.