Gjendet 54-vjeçarja që ishte zhdukur në Kaçanik, Policia thotë se është në gjendje të mirë shëndetësore

Gazeta Express

01/05/2025 10:38

Policia e Kosovës ka njoftuar se sot është gjetur 54-vjeçarja që ishte zhdukur në Kaçanik.

Sipas Policisë, ajo është në gjendje të mirë shëndetësore.

Operacioni i kërkimit është realizuar në bashkëpunim të ngushtë ndërmjet njësive policore, Shoqatës së Kosovës për Kërkim-Shpëtim, Forcës së Sigurisë së Kosovës dhe qytetarëve vullnetarë.

“Në terren janë përdorur dronë me kamera termike dhe pajisje të posaçme për terrene të vështira. Drejtoria Rajonale e Policisë në Ferizaj shpreh falënderim të thellë për të gjitha ekipet e përfshira dhe për qytetarët që kontribuuan me përkushtim në gjetjen e personit të zhdukur”, thuhet në njoftim