string(131) "haradinaj-agim-ramadani-ushtari-i-pare-shqiptar-qe-shkuli-gurin-e-kufirit-qe-ndante-shqiptaret-ra-heroikisht-per-te-mbetur-i-gjalle"

Lajme

Gazeta Express

11/04/2025 10:13

Haradinaj: Agim Ramadani, ushtari i parë shqiptar që shkuli gurin e kufirit që ndante shqiptarët, ra heroikisht për të mbetur i gjallë

Lajme

Gazeta Express

11/04/2025 10:13

Agim Ramadani i dha vulë betejës së Koshares, së bashku me Sali Çekaj e Xhemajl Fetahaj, duke e bërë atë unike dhe të pavdekshme, ka thënë sot kreu i AAK-së, Ramush Haradinaj, në 26-vjetorin e rëniës së Agim Ramadanit.

“Në përvjetorin e përjetësisë kujtojmë dhe nderojmë trimërinë e pashembullt të tij, si strateg dhe ndërtues i unitetit çlirimtar. Ai ndoqi deri në frymën e fundit betimin e tij për të mos vdekur pa luftuar!”.

Haradinaj tha se Ramadani ishte i pari ushtar shqiptar “që shkuli gurin e kufirit që ndante shqiptarët, ra heroikisht te Rrasa e Zogut, për të mbetur i gjallë në kujtesën e popullit dhe të shtetit të Kosovës”.

“Kujtojmë sot trimat e UÇK-së që, krahas komandant Katanës, do të kujtohen përherë si heronjtë e thyerjes së kufirit mes shqiptarëve: Abush Loku, Bashkim Jasiqi, Ramiz Krasniqi, Rifat Çelaj, Arben Jusufi, Driton Veliu, Emri Curri, Harun Beka, Rifat Salihaj, Rrahman Tafa dhe Sylejman Shala. Lavdi!”, ka shkruar Haradinaj./Express/