Theri një 32-vjeçar dhe qëndroi 1 vit e 2 muaj në arrati brenda shtëpisë, prindërit nuk dinin asgjë, i burgosuri rrëfen si ndodhi ngjarja

Lajme

Gazeta Express

10/04/2025 14:30

Në korridorin e burgut, mes mureve të ftohta dhe hapave që jehonin bosh, një vizatim i bërë nga duart e të burgosurve rrëfen një histori pa fjalë.

Akrepat e një ore të vizatuar me kujdes kthehen pas, një simbol i një dëshire të pashpresë për të ndryshuar të kaluarën.

Në njërën nga dhomat e burgut të tipit të hapur në Lipjan, dy të rinj 18-vjeçarë e nisin ditën në të njëjtën mënyrë, duke rregulluar vendin e tyre të fjetjes. Ata janë shokë burgu tash e disa muaj. Nuk ndajnë vetëm një dhomë, por edhe peshën e së shkuarës.

18 vjeçari nga Prishtina është dënuar me një vit e gjashtë muaj masë edukative për tentim vrasje. Ai e pranon fajin.

Një konflikt u kthye në një moment agresioni të pakontrolluar, kur si 15 vjeçar ai goditi një 32-vjeçar me thikë, katër herë radhazi.

Pas aktit, qëndroi për një vit e dy muaj në arrati. Ai thotë se nuk ishte i fshehur larg, por në shtëpi. Sipas tij askush nuk dyshonte, as prindërit e as familja nuk kishte vërejtur asgjë.

Gjatë kësaj periudhe bënte një jetë tërësisht normale.

Nata e parë në burg për të ishte më e vështira. Muret e ftohta, qetësia e rëndë dhe mendimet që nuk ndaleshin e bënin gjumin thuajse të pamundur. Ditët që pasuan ishin të gjata, të mbushura me pendim dhe pritje.

Se si ndodhi rasti, dhe çfarë thotë 18-vjeçari, e mësoni duke klikuar në materialin e përgatitur nga gazetarja Syzana Hajradini. /GazetaExpress/