Ylli i Barcelonës e kërkon largimin

Sport

Gazeta Express

25/03/2025 18:50

E ardhmja e Iñaki Peñas te FC Barcelona po duket se po largohet nga “Camp Nou”.

Portieri, i trajnuar në La Masía që nga viti 2012, po e shqyrton seriozisht mundësinë për të kërkuar një destinacion të ri këtë verë, pasi ka kuptuar se, megjithë përpjekjet dhe durimin e tij, ai ende nuk ka besimin e plotë të stafit trajner dhe drejtuesve sportivë.

Rinovimi i vazhdueshëm i kontratës së Wojciech Szczesny, i cili ka marrë tashmë një ofertë për ta zgjatur kontratën për një sezon tjetër, ka qenë shkaku i fundit që ka shtyrë portierin nga Alicante të rishikojë qëndrimin e tij.

Angazhimi i qartë i Hansi Flick për portierin e vjetër polak, edhe pas lëndimit të Ter Stegen, ka errësuar çdo mundësi reale për Peña-n për të u ngulur si titullar në portë.

Trajneri gjerman i kishte thënë atij se do të ishte titullar pas mungesës së gjermanit, por realiteti ka qenë shumë ndryshe: vetëm disa ndeshje si titullar përpara se të kthehej përsëri në bankinë.

Sipas “Marca”, kjo situatë ka minuar shpirtin e një portieri që gjithmonë është karakterizuar për forcën e tij mendore dhe profesionalizmin, por tani fillon të kuptojë qartë se progresi i tij kërkon largimin nga Barça.

Peña ka kontratë deri në vitin 2026, por klubi ka filluar tashmë të shqyrtojë gatishmërinë e tij për dritaren e transferimeve të ardhshme.

Megjithëse fillimisht preferonte të priste deri në fund të sezonit, konteksti aktual dhe mungesa e mundësive po e çojnë në një largim.

Me një reputacion të mirë në La Liga dhe jashtë saj, nuk do të mungojnë adhuruesit. Te Barça, tashmë e shohin atë më shumë jashtë sesa brenda./GazetaExpress/