Apeli i GJKKO pezullon burgun për ish-kryebashkiaken e Libohovës, e konverton në shërbim prove

Shqiperi

Gazeta Express

19/03/2025 16:14

Ish-kryebashkiakja e Libohovës, Luiza Mandi, ka shpëtuar nga dënimi me burg pas vendimit të Gjykatës së Posaçme të Apelit. GJKKO ka pezulluar dënimin me 8 muaj burg dhe ka vendosur që të konvertojë këtë dënim në shërbim prove për një periudhë prej 1 viti e 4 muajsh.

Mandi ishte shpallur fajtore për shpërdorim detyre, pas një kallëzimi të bërë nga një qytetar në SPAK, i cili pretendoi se i ishte dëmtuar prona gjatë një projekti zgjerimi rrugor. Qytetari kishte denoncuar faktin që, edhe pse i ishte premtuar që prona do të riparohej, kjo nuk ndodhi, dhe si pasojë, SPAK konstatoi se pronari ishte dëmtuar në pronën e tij private.