Në cilat komuna dhe çka u sekuestrua, Policia e Prokuroria me komunikatë për aksionin e sotëm

Lajme

Gazeta Express

19/03/2025 12:27

Policia e Kosovës dhe Prokuroria Themelore në Mitrovicë kanë dalë me një komunikatë të përbashkët në lidhje me aksionin që u zhvillua sot në 21 lokacione në jug dhe veri të Mitrovicës, Vushtrri, Skenderaj e Leposaviq.

16 persona janë shoqëruar në Polici me dyshimin se kanë kryer veprat penale “Detyrimi” dhe “Importi, eksporti, furnizimi, prodhimi, këmbimi, ndërmjetësimi ose shitja e paautorizuar e armëve apo materieve plasëse”.

Po ashtu janë sekuestruar: 9 armë zjarri, 200 fishekë, municione të ndryshme, 15 telefona mobilë, 2 palë pranga, thikë, tyta të armës, fatrolla për armë dhe 1 DVR.

13 persona janë ndaluar për 48 orë.

“Pas intervistimit lidhur me rastin, me vendim të prokurorit, 13 persona shkojnë në ndalim prej 48 orësh.”