“Nëse i shkojnë Policia, mbrojtja e afërt nuk guxon me i pengu”, Ramadani: E pashmangshme paraqitja e Kurtit në Prokurori

Lajme

Gazeta Express

04/03/2025 21:52

Eksperti i sigurisë, Burim Ramadani, tha se mbrojtja e afërt e kryeministrit Kurti nuk guxon me pengu policinë, në rast se i shkojnë Kurtit lidhur me mosparaqitjen e tij në prokurori.

Ai ripërsëriti se mbrojtja e afërt e Kurtit nuk guxon me pengu policinë që ka urdhër nga gjykata.

“Sjellja e Albin Kurtit është e pamend dhe e pavend, absolutisht është e pashmangshme paraqitja e tij në Prokurori edhe nëse refuzon me dëshmu…Nuk ka zgjidhje tjetër përpos me u paraqitë, pastaj mundet me vendos nëse don me dëshmu apo jo dhe pastaj rrezikon dënimin deri në një muaj burgim nëse nuk dëshmon”, tha Ramadani në Pressing.

“Policia e Kosovës këtë punë e kryen brenda minutave në momentin që e merr urdhërin prej Gjykatës. Mbrojtja e afërt policia e ruan Kurtin si edhe të tjerët, mbrojtja e afërt nuk guxon me pengu. Mbrojtja e afërt mundet me u kujdes vetëm për rrezikun e tij fizik, jo nga institucioni i shtetit që është policia që ia dërgon urdhërin prej Gjykatës”, tha Ramadani.