Arabia Saudite do nënshkrimin e lojtarit të Barcelonës

Sport

Gazeta Express

04/03/2025 17:16

E ardhmja e Ansu Fatit në Barcelonë tashmë është definuar.

As Hansi Flick e as menaxhmenti sportiv i klubit nuk e llogarisin lojtarin spanjoll për sezonin e ardhshëm, dhe klubi tashmë ka nisur punën për largimin e tij.

Fati nuk arriti të bind pas kthimit nga Brightoni, dhe është trajtuar me shumë kujdes, shkaku i lidhjes shpirtërore me klubin dhe tifozët, duke qenë produkt i La Masias.

Megjithatë, klubi blaugranas ka vendosur: e ardhmja e tij në “Camp Nou” do të merr fund.

Barcelona me superagjentin, Jorge Mendes kanë nisur kërkimet se ku mund të përballohet paga e tij e lartë.

Sipas “Sport”, Arabia Saudite, Katari dhe Emiratet e Bashkuara Arabe janë vënë pas lojtarit, pasi në Europë ka shumë pak ekipe që mund të përballojnë pagën e tij.

Edhe huazimi po konsiderohet, mirëpo Barcelona më e vendosur është për një transferim, i cili do t’i hapte rrugë për t’i përmirësuar më tutje financat.

Kjo është arsyeja pse Barcelona nuk po e shet Fatin te Girona e Sevilla, pasi edhe këto dy klube ishin të interesuara shumë për të./GazetaExpress/