Pamjet e kamerave të sigurisë ku një person dyshohet se e ka shqyer Kur’anin në Prizren, policia fillon hetimet

Lajme

Gazeta Express

04/03/2025 9:11

Pamjet e një personi të panjohur në Prizren teksa e shqyen librin e shenjtë Kur’anin, kanë shkaktuar reagim të madh.

Si rezultat, Policia e Kosovës ka filluar hetimet në drejtim të veprës nxitje e mosdurimit fetar.

Njoftimi:

Prizren 03.03.2025 – 12:10. Lidhur me rastin, njësitet policore kanë ndërmarrë të gjitha veprimet e nevojshme policore, është iniciuar rasti si dhe është njoftuar prokurori kompetent. Rasti është duke u hetuar.

Mbrëmë “RTV Besa” ka publikuar një video nga kamerat e sigurisë në të cilat shihet një person teksa ka grisur Kur’anin.

Pamjet janë publikuar edhe në mediat tjera të vendit, derisa raportohet se veprimi i burrit me grisjen e Kur’anit ka ndodhur të hënën, gjatë muajit të Ramazanit.