Të martën hidhet shorti për gjysmëfinalet e Kupës, ndeshjet luhen me sistem vajtje-ardhje

Futboll

Gazeta Express

28/02/2025 14:42

Komisioni i Garave njofton se tërheqja e shortit për ndeshjet gjysmëfinale të Kupës së Kosovës në futboll do të bëhet të martën (më 4 mars), në orën 13:00.

Shorti do të tërhiqet në selinë e FFK-së në praninë e Komisionit të Garave dhe të përfaqësuesve të klubeve.

Në këtë fazë të garave janë kualifikuar Drita, Prishtina, Drenica dhe Llapi, derisa ndeshjet do të luhen me sistem vajtje-ardhje.

Kujtojmë se fituesi i Kupës së Kosovës gjithashtu siguron një vend në kualifikimet për garat evropiane.