Sot do të kompletohet çerekfinalja e Kupës së Kosovës

Futboll

Gazeta Express

13/02/2025 11:24

Sot do të kompletohet çerekfinalja e Kupës së Kosovës në futboll.

Gjashtë skuadra e kanë siguruar këtë fazë, ndërsa sot do ta presin nga një biletë edhe dy ekipet e fundit.

Në fakt, duke filluar nga ora 12:30 na presin dy takime mes dy ekipeve të Superligës me dy të Ligës së Parë, shkruan “Gazeta Express”.

Feronikeli 74 do t’i bëjë konak Prishtinës së Re, kurse Ferizaj do ta mirëpresë Rilindjen 1974.

Paraprakisht, të martën kualifikimin në çerekfinale e siguroi Drenica, e cila e eliminoi nga e teta e finales Trepçën pas penalltive.

E dje, tutje ecën edhe Prishtina, Drita, Malisheva, Llapi e Vëllaznimi.

Siç dihet, trofeu i Kupës së Kosovës është mjaft i lakmueshëm dhe i kërkuar nga klubet pasi, përpos prestigjit të tij, dërgon edhe në garat evropiane. /Gazeta Express

E teta e finales

Rezultatet

E martë

Trepça – Drenica 0:0, 2:4 pas penalltive

E mërkurë

Dinamo – Malisheva 0:2

Llapi – Vushtrria 2:0

Vëllaznimi – Gjilani 2:1

Drita – Dukagjini 0:0, 5:4 pas penalltive

Prishtina – Suhareka 4:0

E enjte

12:30 Feronikeli 74 – Prishtina e Re

12:30 Ferizaj – Rilindja 1974