Transferimi i Fatit në Besiktas mund ta dëmtojë Ernest Muçin

Futboll

Gazeta Express

08/02/2025 15:59

Merkato në Turqi do të mbyllet më 11 shkurt, teksa shumë ekipe vazhdojnë ende të përforcohen.

Një ndër to është edhe Besiktas, që tashmë ka “piketuar” një sulmues të njohur.

Bëhet fjalë për Ansu Fatin, i cili ka humbur vendin e tij te Barcelona, duke mos u bërë pjesë e ekipit të Hansi Flick. Kjo ka barë që klubi turk të kontaktojë katalanasit për të nisur bisedimet mbi një transferim të mundshëm.

Sulmuesi i krahut të majtë mund të mbërrijë në Turqi në formë huazimi, ose transferim të përshershëm, teksa vlera e tij në “Transfermarkt”, është 10 milionë euro.

Ky do të ishte një lajm tepër i keq për Ernest Muçin, i cili aktualisht luan në krahun e majtë të sulmit të Besiktas.

Në rast se Fati do të transferohej te “shqiponjat”, do të rritej ndjeshëm konkurrenca mes tij dhe Muçit për një vend titullari.