Për Gerrard, këta janë dy futbollistët me të fortë që ai ka luajtur me ta te Liverpool

Futboll

Gazeta Express

08/02/2025 13:19

“Ai ishte i fortë, mendërisht i fuqishëm. Po ashtu, kur e godisnin me kritika, ai do të ngrihej menjëherë edhe më i fortë”

Roy Keane, Vinnie Jones dhe Patrick Vieira. Premier League na ka dhënë disa “burra të fortë” – më të njohur në futboll gjatë viteve – por kush është ai që Steven Gerrard e vlerëson si shokun e tij më të fortë të skuadrës?

Gerrard, i cili shënoi 186 gola në 710 ndeshje për klubin e tij të fëmijërisë Liverpoolin, ka luajtur me disa lojtarë mjaft të fortë gjatë një periudhe 17-vjeçare në Anfield.

Ish-mesfushori i Anglisë ka përmendur më parë katër legjenda të Premier League – Roy Keane, Patrick Vieira, Paul Scholes dhe Frank Lampard – si lojtarët më të fortë që ka luajtur kundër tyre.

Por cili ishte më i fortë nga ekipi i tiji? Duke folur me BT Sport ndërsa ishte ulur krah Martin Keown, Robbie Savage dhe Jake Humphrey, Gerrard shpjegoi pse Luis Suarez dhe Jamie Carragher ishin shokët më të fortë të ekipit që ka ndarë zhveshtoren me ta.

“Kam luajtur me Luis Suarez, ai nuk ka shkuar kurrë në dhomën e trajtimit,” tha ish-mesfushori. “Ai shpesh luante me lëndime, pasi ishte goditur kudo në fushë. Kishte mavijosje kudo, por ishte i fortë dhe gjithmonë i gatshëm për çdo ndeshje. Ai ishte i fortë për mua.”

“Jamie Carragher ishte një tjetër. Ai ishte i fortë, mendërisht i fuqishëm. Po ashtu, ai goditej dhe ngrihej menjëherë. Ka shumë mënyra të ndryshme për të qenë i fortë si futbollist”, shtoi ai.

“Mendoj se disa nga ata që duken të fortë dhe lëvizin rreth fushës së futbollit duke vepruar si të tillë, ndoshta janë ata që nuk janë.”

Gerrard ka përmendur më parë Suarez si shokun e tij më të madh të ekipit, krahasuar me kandidatë të tjerë si Fernando Torres, Xabi Alonso dhe Javier Mascherano, për të përmendur disa.

“Ma bëjnë këtë pyetje gjithmonë,” tha ai kur u pyet për shokun më të mirë të ekipit. “Ata të dy janë fenomenalë [Torres dhe Suarez], por do të thosha Suarez sepse ai kishte gjithçka”.

“Kam luajtur me disa lojtarë të shkëlqyer, Xabi Alonso, Javier Mascherano, Fernando Torres, por Suarez ishte thjesht ndryshe. Kisha një ndjenjë se kushdo që të ishe duke luajtur, do të kisha ndjenjën se ai do ta fitonte ndeshjen për ne, çdo ndeshje. Nuk kishte rëndësi kush ishte.”

“Loja e tij në stërvitje ishte sikur ai të kishte luajtur gjithmonë në atë mënyrë,” shtoi Gerrard.

“Mbaj mend që po largohej nga një nga seancat kryesore që bëmë me Carra dhe ai po thoshte ‘ky djali ka shumë energji, nuk dua të luaj çdo ditë kundër tij në stërvitje’. Ai ishte kaq intensiv në stërvitje”.

“Ai mund të të bëjë të turpërohesh, edhe me gjëra që nuk mendoj se ai e dinte se po i bënte. Ai ishte një mjeshtër i ricochet-it, do të kalonte mbi ty, do të të dominonte dhe të ngacmonte”. /GazetaExpress/