“Le ta sjellë familjen e vet në Kosovë, të jetë babë i familjës së tij – të prodhojë politika që i ndihmojnë njerëzit”,  Kujtim Shala për Kurtin

Lajme

Gazeta Express

05/02/2025 21:04

Kujtim Shala nga Lidhja Demokratike e Kosovës tha se kryeministri Kurti “duhet ta sjellë familjen e tij në Kosovë”.

Shala u shpreh se ai duhet të jetë “babai i familjes së tij”, ndërsa detyra e qeverisë është të prodhojë politika të cilat ndihojnë njerëzit e Kosovës.

“Fillimisht duhet të kujdeset për familjen e tij, ta sjellë familjen e tij në Kosovë sepse kjo në kuptimin etik është bazike. Pra, si mund një njeri të drejtojë një vend dhe njerëzit e tij t’i ketë në një vend tjetër. Këtë duhet ta bëjë, pra të jetë baba i familjes së tij. Në Kosovë secila familje e ka babën e vet dhe nuk i duhet askush. Shteti duhet të prodhojë politika të cilat ndihojnë njerëzit e Kosovës kjo është detyra e kryeministrit dhe qeverisë”, tha Shala në Pressing, transmeton Express.