Memli Krasniqi: Mësimdhënësit i besojnë Bedri Hamzës, ai e mban fjalën! (VIDEO)

Zgjedhjet

Gazeta Express

01/02/2025 16:50

Kryetari i Partisë Demokratike të Kosovës, Memli Krasniqi, ka theksuar mbështetjen e madhe të mësimdhënësve për kandidatin për kryeministër, Bedri Hamza, gjatë një tubimi madhështor në Prizren.

Në vazhdën e videoparaqitjeve nga takimet elektorale, Krasniqi ka deklaruar se besimi i mësimdhënësve te Bedri Hamza është i palëkundur, sepse ai ka një zotim të qartë për ta.

“Këto duartrokitje janë të vërteta sepse vijnë nga zemra. Janë nga zemra sepse këta mësimdhënës besojnë dhe e dinë se Bedri Hamza do t’ua rrisë pagat për 50 për qind. Bedri Hamza e mban fjalën,” ka thënë Krasniqi.

PDK ka premtuar rritje të ndjeshme të pagave për sektorin e arsimit, duke e vendosur mbështetjen për mësimdhënësit si një nga prioritetet kryesore të qeverisjes së ardhshme.