Ky është goli i parë i djalit të Igli Tares për Dukagjinin

Futboll

Gazeta Express

23/01/2025 17:13

Tash e pak ditë, klubi i Dukagjinit po kryen përgatitjet para stinorit pranveror në Turqi.

Atje i ka aranzhuar disa ndeshje miqësore, teksa të parën e luajti sot, shkruan Gazeta Express.

Ekipi i drejtuar nga Ismet Munishi u përball me ekipin ukrainas, Chornomorets Odesa, ku pësuan ngushtë 1:2.

Për ekipin klinas shënoi djali i Igli Tares, Etinne Tare, që ishte edhe goli i parë me skuadrën e Dukagjinit.

Ai u asistua bukur nga Elbrima Jatta, me golin që u shënua në minutën e 73-të.

Vetëm pak ditë më parë, Tare iu bashkua skuadrës së Munishit dhe pritet të jetë ndihmë e madhe në pjesën e dytë të sezonit në Superligë.