Arsenali kërkon që të fitojë sonte në Emirates kundër Aston Villës – – Maldini Kacurri në bankën rezervë   

Futboll

Gazeta Express

18/01/2025 17:22

Një fitore me përmbysje në derbin e Londrës së Veriut të mërkurën ka rikthyer energjinë në kampin e Arsenalit për aspiratat e tyre për titullin e Premier League.

Kjo fitore – që i dha fund një serie prej tre ndeshjesh pa fitore në të gjitha garat (1 barazim, 2 humbje) – i ka afruar ata me vetëm katër pikë më pak së Liverpool, pavarësisht se kanë luajtur një ndeshje më shumë.

Trajneri Mikel Arteta e quajti paraqitjen ndaj Tottenhamit “të jashtëzakonshme”, një ndeshje që zgjati serinë e tyre të pamposhtur në kampionat në 11 ndeshje (7 fitore, 4 barazime).

Në fakt, skuadra e vetme që ka mposhtur Arsenalin brenda 90 minutave në të gjitha garat si vendës që nga etori është Newcastle, të cilët e kanë bërë këtë dy herë.

Kjo arritje bazohet tregon se ata e kanë shndërruar në një kala të pamposhtur stadiumin e tyre në Emirates, ku Arsenali mbetet i pamposhtur në Premier League që nga humbja në prillin e kaluar kundër Aston Villa (10 fitore, 3 barazime) – seria më e mirë që nga koha kur trajneri i Aston Villas, Unai Emery, drejtonte Arsenalin në sezonin 2018/19!

Unai Emery kërkon hakmarrje ndaj ish-skuadrës së tij

Emery udhëton drejt stadiumit të tij të mëparshëm me shpresën se Aston Villa ka “thyer mallkimin e keq” që po i ndiqte në fund të vitit 2024.

Fitorja 1-0 ndaj Evertonit ishte e treta radhazi me një diferencë minimale në të gjitha garat dhe i ngriti ata në top-shtatë në rënditje, megjithëse përmirësimet jashtë fushe janë të nevojshme nëse duan të mbeten aty.

Fitorja në Goodison Park ishte vetëm e dyta në tetë ndeshjet e fundit jashtë fushe në të gjitha garat (6 humbje), me katër nga ato humbje që kanë ardhur me diferencë të thellë. Një portë e pastër e dytë radhazi jashtë fushe – diçka që nuk e kanë arritur që nga shkurti – duket pak e mundshme.

Megjithatë, Emery ka pasur rezultate të mira kundër Arsenalit që nga largimi i tij, duke shmangur humbjen në katër nga gjashtë përballjet e tij (3 fitore, 1 barazim).

Lojtarët për t’u ndjekur: Mes krizës së dëmtimeve në sulmin e Arsenalit, Leandro Trossard spikati duke shënuar golin vendimtar ndaj Tottenhamit – ai gjithashtu hapi rezultatin kur këto dy skuadra u takuan për herë të fundit në gusht (fitore 2-0).

Për Aston Villën, Morgan Rogers ka kontribuar direkt në pesë gola në po aq ndeshje (3 gola, 2 asiste) – anglezi nuk ka shënuar jashtë fushe që nga nëntori, por atëherë ai shënoi në Londrën e Veriut kundër Tottenhamit (humbje 4-1).

Formacionet zyrtare:

Arsenal: Raya, Partey, Timber, Gabriel, Lewis-Skelly, Merino, Rice, Odegaard, Trossard, Martinelli, Havertz.

Rezervë: Neto, Tierney, Zinchenko, Kiwior, Kacurri, Jorginho, Butler-Oyedeji, Kabia, Sterling.

This evening’s team to take on Arsenal 👊#ARSAVL pic.twitter.com/xTzduD2fTD

— Aston Villa (@AVFCOfficial) January 18, 2025

Aston Villa