Dyshohet se mori pjesë në grupin terrorist “Al Nusra” në Siri, ngrihet aktakuzë ndaj O.K

Lajme

Gazeta Express

16/01/2025 15:53

Prokuroria Speciale ka ngritur aktakuzë për veprën penale “Organizimi dhe pjesëmarrja në grup terrorist” ndaj O.K.

Ai dyshohet se nga janari i vitit 2013 i është bashkuar dhe ka marrë pjesë në grupin terrorist “Al Nusra” në Siri.

“Prokurori i shtetit, pas mbledhjes dhe analizimit të provave personale dhe materiale, ka vërtetuar përtej dyshimit të bazuar mirë se i pandehuri O.K, që nga janari 2013, i është bashkuar dhe ka marrë pjesë në veprimtarin e grupit terrorist “Al Nusra”, në rrethinën e qytetit të Damaskut, në shtetin e Sirisë, duke ndërmarr veprime konkrete të caktuara nga udhëheqësit e kësaj organizate, andaj, me këtë edhe e ka kryer veprën penale “Organizimi dhe pjesëmarrja në grup terrorist” nga neni 143 par. 2 të KPRK-së”.