Pep Guardiola tregon se Kyle Walker ka kërkuar që të largohet nga City

Futboll

Gazeta Express

11/01/2025 23:19

Pep Guardiola ka folur për këtë pasi Manchester City mundi Salford City.

Pep Guardiola ka bërë një deklaratë befasuese për merkaton e transferimeve duke zbuluar se një nga lojtarët e tij të Manchester City ka kërkuar të eksplorojë mundësitë për t’u larguar nga klubi.

Të shtunën në mbrëmje, City bëri një paraqitje të shkëlqyer duke mundur ekipin e Ligës së Dytë, Salford City, në raundin e tretë të FA Cup në Etihad Stadium.

Golat e Divin Mubama, Nico O’Reilly, Jack Grealish, një dygolësh nga Jeremy Doku dhe një tri golësh nga James McAtee sigurojnë një fitore të madhe prej 8-0 dhe vendin e City në raundin tjetër.

Përpara ndeshjes, u zbulua se Kyle Walker ishte lënë jashtë skuadrës së City, megjithëse ishte i gatshëm për të luajtur.

Pasi përfundoi ndeshja, Guardiola zbuloi se Walker kishte kërkuar të eksploronte mundësitë për një transferim këtë muaj.

“Guardiola shpjegon mungesën e Walker: ‘Para dy ditësh Kyle kërkoi të eksploronte mundësitë për të luajtur jashtë dhe për të përfunduar karrierën e ti'”, tha Sam Lee i The Athletic.

Paraqitjet e Walker janë analizuar shumë këtë sezon pasi City ka përjetuar një rënie të rrallë në formë.

Gjatë dritares së transferimeve të verës, mbrojtësi i krahut ishte vazhdimisht i lidhur me një kalim te gjigantët e Bundesliga-s, Bayern Munich, por zgjodhi të qëndronte te City.

Në shtator, Walker zbuloi se ishte afër largimit.

“Mund të merren vendime, gjërat mund të ndryshojnë. Ishte afër, por në futboll gjërat mund të ndodhin. Nuk ishte për të ndodhur”, kishte thënë ai në shtator.

“A do të kisha shijuar eksperiencën jashtë City? Sigurisht që po, por ky është një klub i madh dhe nuk mund ta nënvlerësoni atë që ka bërë ky klub gjatë gjashtë ose shtatë viteve të fundit”.

“Pse duhet të largohem nëse do të marr mjaftueshëm kohë loje që është e mjaftueshme për mua?  Kjo është gjithçka që dua. Në mendjen time gjithmonë kam dashur të luaj për Manchester City, por duhej të bëja atë që ishte e drejtë për mua dhe të ardhmen time. Ishte thjesht për të kuptuar cili klub më jepte vitet e kontratës për të luajtur futboll në nivelin më të lartë”.’ /GazetaExpress/