Berisha e quajti “kriminel elektoral”, Majko: Spiropali t’i kërkojë SHISH informacion për aludimet, do dorëzoj çdo imunitet

Shqiperi

Gazeta Express

07/01/2025 21:35

Një ditë më parë, Sali Berisha e akuzoi Pandeli Majkon si “kriminel elektoral”, ndërsa shkoi edhe më tej duke thënë se “ai është i regjistruar në tavolinë me regjistrues, të vendosur me vendim gjykate nga Shërbimi Informativ Kombëtar, jo për Pandeli Majkon, por për trafikantë droge dhe armësh që mblidheshin aty”.

Pas këtyre akuzave të forta ka reaguar deputeti i PS-së, i cili thotë se ka vendosur që të dorëzojë çdo imunitet parlamentar, i cili mund të jenë i nevojshëm për hetimin e çështjes.

“Sot, në takim me kryetaren e Kuvendit të Shqipërisë, Elisa Spiropali!… I kërkova që brenda protokolleve në fuqi, t’i kërkohej Shërbimit Informativ Kombëtar informacion me shkrim, lidhur me aludimet për fshehje informacioni të deklaruar dje në publik nga Sali Berisha!

Kam vendosur që të dorëzoj çdo imunitet parlamentar i cili mund të jenë i nevojshëm për hetimin e çështjes së ngritur për emrin tim në deklarimet publike të Sali Berishës!”, thotë Pandeli Majko