Ilir Meta “del” nesër nga qelia, do të pyetet nga SPAK

Shqiperi

Gazeta Express

06/01/2025 17:15

Ish-Presidenti i Shqipërisë Ilir Meta do të dalë nesër për disa orë nga qelia për t’u marrë në pyetje në ambientet e Prokurorisë së Posaçme.

Meta do të paraqitet në SPAK në orën 10:00 dhe do të pyetet në cilësinë e personit ndaj të cilit zhvillohen hetime.

Ish-presidenti u arrestua në 21 tetor të 2024 dhe ndodhte në qeli nën masën e sigurimit personal “arrest në burg”. Kryetari i Partisë së Lirisë u arrestua në 21 tetor 2023 me urdhër të Strukturës së Posaçme kundër Korrupsionit dhe Krimit të Organizuar.

Ndaj Metës, SPAK-u ka kryer një hetim pasuror dhe dyshohet për mosdeklarim pasurish, korrupsion dhe pastrim parash.