Van Dijk i ofrohet klubit të madh europian, ata e refuzojnë

Sport

Gazeta Express

06/01/2025 16:37

Agjenti i Virgil van Dijk e ofroi atë te gjiganti europian, por propozimi u refuzua, sipas raportimeve befasuese.

Van Dijk ka qenë subjekt i spekulimeve intensive për transferime, pasi kontrata e tij aktuale me Liverpool mbaron në fund të sezonit.

Ai vazhdon bisedimet me Liverpool për një marrëveshje të re, me Mohamed Salah dhe Trent Alexander-Arnold gjithashtu në të njëjtin pozicion.

Van Dijk është i lirë të flasë me klubet e huaja pasi ka hyrë në gjashtë muajt e fundit të kontratës së tij aktuale.

Por, sipas mediumit spanjoll “Relevo”, përfaqësuesit e Van Dijk kanë kontaktuar tashmë me Real Madrid, duke i informuar ata për gatishmërinë e lojtarit për t’u bashkuar me klubin nga vera e 2025-ës.

Sipas raportimit, oferta u refuzua nga Real, të cilët e hodhën poshtë propozimin, duke marrë parasysh “moshën” dhe “gjendjen” e tij.

Van Dijk, 33-vjeçar, ka qenë në “Anfield” që nga janari i vitit 2018 pas kalimit të tij për 75 milionë paund nga Southampton.

Ai ka qenë në formë të shkëlqyer këtë sezon, duke bërë 25 paraqitje në të gjitha garat ndërsa “Reds” luftojnë në katër fronte.

Pas barazimit 2-2 të skuadrës së tij me Manchester United, u pyet për situatën e tij të kontratës, për të cilën ai u përgjigj: “Nuk ka asgjë.”

Kur u pyet nëse priste ndonjë përditësim së shpejti, Van Dijk u përgjigj: “Nuk mendoj, por jam i qetë për këtë, siç thashë muaj më parë.

“Do të shohim se çfarë ndodh në të ardhmen dhe në këtë moment nuk kam asnjë përditësim. Është e gjitha për momentin të fokusohem, për mua dhe ekipin, te Spurs [të mërkurën në mbrëmje]. Do të jetë një lojë e vështirë përsëri, por një gjysmëfinale e mirë [e Carabao Cup].”/GazetaExpress/