Klubi anglez reagon pas komenteve të Roy Keane, se Arnoldi duhet të nënshkruajë me të para Realit

Sport

Gazeta Express

05/01/2025 20:22

Tranmere Rovers i është përgjigjur sugjerimit të Roy Keane se Trent Alexander-Arnold duhet të bashkohet me ta në vend të Real Madrid dhe klubi i Ligës së Tretë angleze ka postuar një përgjigje të shkëlqyer në rrjetet sociale, e cila është bërë virale. 

Mbrojtësi i djathtë i Liverpool, Alexander-Arnold, nisi ndeshjen nga fillimi në derbin ndaj Manchester Unitedi në “Anfield” këtë pasdite. 

Megjithatë, mbrojtësi shpesh ishte pika e dobët për ekipin në pjesën e parë, pasi United pati disa mundësi të mira që vinin nga ana e djathtë e Liverpool. 

Mbrojtësi gjithashtu ishte fajtor për golin e parë të Unitedit pas pushimit 15-minutësh, i cili u shënua nga Lisandro Martinez për t’i dhënë udhëheqjen mysafirëve. 

Liverpool arriti ta shpëtonte Alexander-Arnoldin nga turpi pasi Cody Gapko barazoi, përpara se Mo Salah të shënonte nga pika e penalltisë pas një prekjeje me dorë nga Matthijs de Ligt, megjithatë Amad Diallo barazoi me 10 minuta nga fundi. 

Në pushim, kur ndeshja ishte ende pa gola, ish-kapiteni i United, Keane, e kritikoi aftësinë mbrojtëse të Alexander-Arnold. 

Mbrojtësi është në fund të kontratës në fund të këtij sezoni dhe kanë qarkulluar thashetheme që sugjerojnë një kalim të mundshëm me transferim falas te gjiganti spanjoll, Real Madrid, një sugjerim që Keane e hodhi poshtë pas paraqitjes së tij në pjesën e parë në “Sky Sports”. 

Keane tha: “Ato mundësi për United, janë kaq të lehta. Thjesht disa topa mbi kokë. 

“Ne flasim për sa i shkëlqyer është Trent përpara. Mbrojtja e Trent sot, o Zot. Kjo është punë shkollore. 

“Po flitet për kalimin e tij tek Real Madrid. Me mënyrën se si po mbron, do të shkojë te Tranmere Rovers pas kësaj! Duhet të bëjë më mirë.” 

Tranmere janë fqinjë të afërt të Liverpool në anën tjetër të lumit Mersey në Ëirral dhe klubi nga “Prenton Park” është aktualisht i 20-ti në Ligën e Tretë të futbollit anglez. 

Skuadra e Nigel Adkins mori fitoren e parë në katër ndeshje këtë fundjavë pas një fitoreje 1-0 në shtëpi ndaj Carlisle United, me “Super Ëhite Army” që fitoi falë një goli të shënuar nga Cameron Norman në minutën e 23-të. 

Norman luan si mbrojtës i djathtë – pozita e njëjtë me Alexander-Arnold – dhe duke iu përgjigjur pikëpamjes së Keane, bëri të qartë se ata janë të kënaqur me atë që kanë në atë pozicion të skuadrës së tyre me një përgjigje brilante në rrjetet sociale. 

Postimi tregon një foto të Norman duke festuar golin e tij ndaj Carlisle dhe thotë: “Trent te Tranmere, Roy? Jo, jemi mirë faleminderit”./GazetaExpress/

❔ Trent to Tranmere, Roy? Nah, we're alright thanks.#TRFC #SWA pic.twitter.com/fQ6bgvUcDE

— Tranmere Rovers FC (@TranmereRovers) January 5, 2025