Shqiptarët kthehen në Greqi pas festave, fluks në pikat kufitare

Shqiperi

Gazeta Express

03/01/2025 12:40

Pas festave të fundvitit të kaluar me familjet e tyre në Shqipëri, shumë emigrantë shqiptarë po rikthehen në vendet e punës në Greqi, duke sjellë një rritje të ndjeshme të fluksit në pikat kufitare.

Sipas burimeve zyrtare, në pikën kufitare të Kapshticës, gjatë 24 orëve të fundit, janë regjistruar 6925 shtetas që kanë kaluar drejt vendit fqinj. Për të shmangur radhët e gjata, policia kufitare ka vënë në funksion 4 sportele në dalje dhe 2 në hyrje.

Ndërkohë, një fluks i ngjashëm është vënë re edhe në pikën kufitare të Qafë Thanës, ku mbi 8000 shtetas kanë hyrë dhe dalë në harkun e një dite.