Çmime të njëjta dhe lirim nga pagesa, Komuna tregon për unifikimin e privatëve me Trafikun Urban

Lajme

Gazeta Express

02/01/2025 19:29

Komunë e Prishtinës ka njoftuat se qytetarët e kësaj komune tani kanë sistem të unifikuar të transportit publik urban, me bileta të integruara ditore, javore dhe mujore për të gjitha linjat.

Sipas njoftimit nga 1 Janar 2025, edhe operatorët privatë do të operojnë sipas të njëjtave kushte si Trafiku Urban, duke garantuar shërbim të standardizuar dhe cilësor për të gjithë qytetarët.

Çmimet e biletave:

• 0.50€ për një udhëtim të vetëm.
• 0.80€ për biletën ditore (vlefshme për të gjitha linjat).
• 4€ për biletën javore.
• 12€ për biletën mujore për studentë.
• 14€ për biletën mujore për punëtorë.

Tutje, ata kanë njoftuar se kush nga qytetarët përfiton udhëtime falas.

Kategoritë e liruara nga pagesa për të gjitha linjat urbane janë:

• Pensionistët
• Policia
• Forca e Sigurisë së Kosovës (FSK)
• Veteranët
• Zjarrfikësit
• Personat me aftësi të kufizuara
• Nxënësit e shkollave fillore