Shpërthen një bombolë gazi në Veternik, lëndohen dy persona

Lajme

Gazeta Express

13/12/2024 17:29

Një bombolë gazi ka shpërthyer sot rreth orës 16:00 në Veternik dhe si pasojë janë lënduar dy persona.

Lajmin për Express e ka konfirmuar zëdhënësi i Policisë për rajonin e Prishtinës, Agron Borovci.

“Rreth orës 16:00 është pranuar informata për një shpërthim në lagjen Veterniku në Prishtinë. Policia ka dalë në vendin e ngjarjes dhe në baze të informacioneve të para dyshohet që shpërthimi ka ardhur nga një bombolë gazi. Nga informacionet e deritanishme bëhet e ditur se dy persona kanë pësuar lëndime. Policia po vijon punën e saj, ndërkaq në vendngjarje  ka ftuar edhe mekanizmat e tjerë kompetent për trajtimin e rrethanave të ngjarjes.”