Masakra e Shkodrës, kontrollohet banesa e Safet Bajrit

Shqiperi

Gazeta Express

12/12/2024 11:32

Në kuadër të hetimeve që Prokuroria e Posaçme (SPAK) po zhvillon për masakrën me 4 të vrarë në Shkodër, paraditen e sotme janë zhvilluar kontrolle në disa banesa në Shkodër.

Burime bëjnë me dije se me kërkesë të prokurores së posaçme Elida Kaçkini, janë ushtruar kontrolle në Dobraç.

Mes banesave të kontrolluara është edhe ajo e Safet Bajrit, por deri më tani nuk raportohet për gjetje të sendeve të kundraligjshme.

Në atentatin e ndodhur në Dobraç mbetën të vrarë  Hamza Lici e Arlind Bushati, dhe çifti i bashkëshortëve Bashkim e Flutura Basha, që u gjetën rastësisht në vendin e ngjarjes.