FSK dhe Iowa me plan të përbashkët për vitet 2025-2027

Lajme

Gazeta Express

10/12/2024 9:55

Në kuadër të partneritetit ndërmjet Forcës së Sigurisë së Kosovës (FSK)dhe Gardës Kombëtare të Iowa -s, Shteteve të Bashkuara të Amerikës, një delegacion nga FSK  mori pjesë në Konferencën Planifikuese për koordinimin e trajnimeve dhe aktiviteteve për vitet 2025-2027, sipas linjave të përpjekjeve; Manovrës, Mbështetjes Logjistike, Personelit, Komunikimit dhe Kibernetikës, Mjekësisë si dhe Kanalit të Nënoficerëve dhe Zhvillimit të Liderëve. 

Sipas njoftimit të FSK-së, konferenca është realizuar në Iowa të ShBA-së, bazuar në udhëzimet  dhe zotimet e komandantit të Forcës së Sigurisë së Kosovës gjenerallejtënant Bashkim Jashari dhe komandantit të Gardës Kombëtare të Iowa-s, gjeneral major Stephen Osborn.

“Bazuar në partneritetin që ka FSK me Gardën Kombëtare të Iowa-s, delegacioni nga FSK është udhëhequr nga  Shefi i G3/7 SHPFSK, kolonel Astrit Haliti dhe pjesëmarrje nga: G1SHP, G4SHP Rreshter Majori i FSK-se dhe KFT”, thuhet në njoftim.

Tutje theksohet se gjatë këtij aktiviteti është rifreskuar plani i trajnimeve dhe aktiviteteve të përbashkëta për vitet 2025-2026 si dhe është përfshirë edhe viti 2027, në mbështetje të planit gjithëpërfshirës të tranzicionit.