Therjet me thikë në Ferizaj, Skenderi: Viktimat u përkasin komuniteve rom, ashkali dhe egjiptian -a sulmuan për shkak të etnisë?

Lajme

Gazeta Express

13/11/2024 12:14

Isak Skenderi, Drejtor i organizates “Voice of Roma, Ashkali and Egyptians”, ka reaguar lidhur me rastin që ndodhi të hënën në Ferizaj, ku një burrë therri me thikë katër persona, përfshirë dy të mitura.

Skenderi ka thënë se të gjitha viktimat u përkasin komuniteteve Rom, Ashkali dhe Egjiptian, derisa ka bërë thirrje që të zbardhet qëllimi pas këtij krimi.

Sipas tij, një model i tillë sugjeron se motivi ka qenë etnik i nxitur nga urrejtja.,

“Ky akt dhune nuk mund dhe nuk duhet të tolerohet. Për më tepër, natyra e tij e vërtetë nuk duhet të relativizohet. Sipas raporteve të para, agresori sulmoi kalimtarët te rastit, por të gjithë viktimat i përkasin këtyre komuniteteve minoritare. Një model i tillë sugjeron diçka më të thellë dhe shumë më shqetësuese: një motivim etnik i nxitur nga urrejtja.

Autoritetet ta kualifikojnë saktë këtë akt. Çdo jetë ka vlerë, dhe qëllimi pas këtij krimi duhet të zbardhet dhe ndëshkohet përkatësisht. Kryetari i Komunës së Ferizajt konfirmoi se agresori u arrestua pas sulmeve, por eshte thelbersore që motivet e tij të hetohen në detaje, duke marrë parasysh çështjen e qartë që kemi përballë – kur viktimat “e rastësishme” i përkasin një grupi të vetëm etnik, duhet të pyesim pse”, thuhet në reagimin e tij.

Ai ka theksuar se një nga viktimat ishte vetëm 10-vjeçare, që ishte duke u kthyer në shtëpi nga një dyqan.

“Ajo është një viktimë e pafajshme që tani vuan për shkak të urrejtjes së sëmurë dhe të shtrembëruar të dikujt. Kjo ngre pyetje të vështira: a u sulmua ajo për shkak të përkatësisë së saj etnike? A ishin këto sulme të paramenduara, të kalkuluara në mënyrë që të zgjidheshin anëtarët më të pambrojtur të komuniteteve tona?”, thuhet tutje në reagim.

Skenderi u ka bërë thirrje autoriteteve që të reagojnë me urgjencë.

“Ky nuk është krimi i parë i urrejtjes në shoqërinë tonë, që synon komunitetet Rom, Ashkali dhe Egjiptian. Për një vend kaq të vogël, jemi të mbushur me shumë incidente të motivuara nga paragjykimi etnik dhe intoleranca e thellë. Historia ka treguar se Romët dhe komunitetet e tjera janë mbajtur të margjinalizuar, të mbajtur poshtë në kushte degraduese për të ruajtur sistemet e shfrytëzimit social. Eshtë e pabesueshme qe kjo vazhdon të shfaqet edhe sot – kur komunitetet përdoren si shpërthyes të mllefit dhe urrejtjes. Ne  një shoqëri demokratike, moderne si Kosova, jo çdo qytetar ndihet i sigurt, i vlerësuar dhe i respektuar”.

Reagimi i plotë:

Incidenti i fundit në Ferizaj, ku dy vajza të mitura dhe dy burra nga komunitetet Rom, Ashkali dhe Egjiptian u sulmuan barbarisht me thikë, ka tronditur shoqërinë tonë. Ky akt dhune nuk mund dhe nuk duhet të tolerohet. Për më tepër, natyra e tij e vërtetë nuk duhet të relativizohet. Sipas raporteve të para, agresori sulmoi kalimtarët te rastit, por të gjithë viktimat i përkasin këtyre komuniteteve minoritare. Një model i tillë sugjeron diçka më të thellë dhe shumë më shqetësuese: një motivim etnik i nxitur nga urrejtja.

Autoritetet ta kualifikojnë saktë këtë akt. Çdo jetë ka vlerë, dhe qëllimi pas këtij krimi duhet të zbardhet dhe ndëshkohet përkatësisht. Kryetari i Komunës së Ferizajt konfirmoi se agresori u arrestua pas sulmeve, por eshte thelbersore që motivet e tij të hetohen në detaje, duke marrë parasysh çështjen e qartë që kemi përballë – kur viktimat “e rastësishme” i përkasin një grupi të vetëm etnik, duhet të pyesim pse.

Një nga viktimat ishte vetëm 10 vjeç, një fëmijë i pafajshëm në rrugën e kthimit për në shtëpi nga një dyqan lokal. Megjithëse dhe fatmirësisht, jeta e saj nuk është në rrezik të menjëhershëm, gjendja e saj mbetet delikate. Ajo është një viktimë e pafajshme që tani vuan për shkak të urrejtjes së sëmurë dhe të shtrembëruar të dikujt. Kjo ngre pyetje të vështira: a u sulmua ajo për shkak të përkatësisë së saj etnike? A ishin këto sulme të paramenduara, të kalkuluara në mënyrë që të zgjidheshin anëtarët më të pambrojtur të komuniteteve tona?

Ky nuk është krimi i parë i urrejtjes në shoqërinë tonë, që synon komunitetet Rom, Ashkali dhe Egjiptian. Për një vend kaq të vogël, jemi të mbushur me shumë incidente të motivuara nga paragjykimi etnik dhe intoleranca e thellë. Historia ka treguar se Romët dhe komunitetet e tjera janë mbajtur të margjinalizuar, të mbajtur poshtë në kushte degraduese për të ruajtur sistemet e shfrytëzimit social. Eshtë e pabesueshme qe kjo vazhdon të shfaqet edhe sot – kur komunitetet përdoren si shpërthyes të mllefit dhe urrejtjes. Ne  një shoqëri demokratike, moderne si Kosova, jo çdo qytetar ndihet i sigurt, i vlerësuar dhe i respektuar.

Ky akt brutal është një thirrje zgjimi. Ai ngre pyetje urgjente mbi sigurinë, bashkëjetesën dhe dinjitetin e të gjithë anëtarëve të këtij shteti multietnik. Autoritetet tona duhet të reagojnë me urgjencë për të adresuar rrënjët e kësaj dhune. Kjo nuk është një ngjarje e izoluar; është një simptomë e një sëmundjeje të thellë shoqërore. Sa më gjatë të tolerojmë këtë urrejtje, aq më thellë rrëshqasim në një vend të errët ku paragjykimi lulezon dhe dhuna bëhet normale.

Mjaft më!