Rohde mirëpret vendimin e Kurtit për t’a lejuar hyrjen e mallrave serbe në Merdare: Hap që zhbllokon CEFTA’n

Lajme

Gazeta Express

07/10/2024 18:26

Ambasadori i Gjermanisë në Kosovë, Jorn Rohde, ka mirëpritur vendimin e Qeverisë së Kosovës për të lejuar hyrjen e produkteve nga Serbia përmes Merdares, 16 muaj pasi i ndaloi ato.

Rohde tha se ky hap shënon zhbllokimin drejt CEFTA-s.

“E përshëndes vendimin e qeverisë së Kosovës për hapjen e pikës kufitare Merdare për mallrat që vijnë nga Serbia. Ky shënon një hap të rëndësishëm drejt zhbllokimit të CEFTA-s. Ne do të mbështesim Kosovën për të siguruar plotësimin e nevojave të sigurisë dhe monitorimin e proceseve në pikën kufitare”, është shprehur ambasadori gjerman.