Mediumi serb shkruan rreth konkursit për rekrutimin e pjesëtarëve të rinj të Policisë së Kosovës, posaçërisht atyre nga komuniteti serb

Lajme

Gazeta Express

05/08/2024 10:17

Pothuajse dy vjet më parë, policia e Kosovës humbi 550 policë serbë, të cilët u larguan nga puna në shenjë proteste për riregjistrimin e targave serbe. Tani ka një konkurs të ri dhe një thirrje të re për të rinjtë dhe të rejat serbe që të aplikojnë në Policinë e Kosovës, shkruan N1.

Që kur serbët janë larguar kolektivisht nga institucionet e Kosovës, në mesin e tyre edhe Policia e Kosovës, ka më pak policë në katër komunat veriore në veri.

Për këtë, shkruan N1, konkursi i fundit kosovar për rekrutimin e policëve të rinj fton veçanërisht komunitetin serb që të aplikojë për këtë vend pune.

“Nga 300 e më shumë njerëz, policë – vetëm 50 janë serbë. Do të ishte më mirë të kishim më shumë, sepse policët tanë do t’i zëvendësojmë me njerëz të kësaj zone, por policët janë policë kudo, bëjnë punën e tyre dhe nuk është problem. Për ne është e rëndësishme që në këta gjashtë muaj të kemi më shumë raste se në gjashtëmujorin e parë të vitit 2022”, thotë komandanti Veton Elshani.

Qeveria thotë se dëshiron që serbët të përfaqësohen në polici në zonat multietnike, për mirëkuptim më të lehtë me qytetarët, sidomos kur bëhet fjalë për gjuhën serbe, të cilën policët shqiptarë rrallë e flasin.

Qytetarët e veriut thonë se do të ishte mirë të kishin njerëzit e tyre, por ka dilemë se a do të ndodhë kjo.

Aktualisht, në stacionin policor për rajonin verior që ndodhet në veri të Mitrovicës, janë policët serbë të sjellë nga komunat në jug të veriut, për të cilët po ashtu nuk ka qenë e lehtë të punojnë, sidomos në kohë krize, pasi janë kërcënuar për duke mbetur në policinë e Kosovës.

Madje, në rrjetet sociale vitin e kaluar kanë qarkulluar postime me emrat dhe fotot e serbëve të punësuar në Policinë e Kosovës dhe të cilët janë shpallur frikacakë.

N1 përkujton se pjesëtarët e komunitetit serb në veri janë integruar në Policinë e Kosovës në bazë të Marrëveshjes së Brukselit të vitit 2013 dhe shumica prej tyre tani janë mbi 30 vjeç.

Rreth 550 policë serbë u larguan nga puna në nëntor të vitit 2022 si shenjë pakënaqësie me vendimin e qeverisë së Kosovës për të riregjistruar automjetet me targa serbe në ato të Kosovës, por edhe për shkak të vonesës në formimin e Asociacionit