“4 veta në qeli”, “mos e ha ushqimin”, nëna rrëfen çfarë i kishte ndodhur Faton Hajrizit në Mitrovcë

Lajme

Gazeta Express

16/07/2024 17:58

Nëna e Faton Harjizit, Shehrije Hajrizi, në një intervistë për FRONTAL të T7 ka rrëfyer për përjetimet që sipas saj i kanë ndodhur Faton Hajrizit derisa ka qenë në burgun e Mitrovicës si 15 vjeçar pasi e kishte vrarë një ushtarë rus.

Ajo në një intervistë për FRONTAL ka thënë së vetë Fatoni i ka rrëfyer se si njëherë i janë futur katër persona në qeli dhe si e ka mbrojtur veten.

 “Kur ka ardhë në vikend. Ma ka tregu një rast. Tha mi kanë shti katër veta në dhomë. Për mos me ndodhë qajo, i kam pre durt. Kjo ka ndodhë në vitin 2000. E ka mbrojtë veten me qat pasqyrë, i ka pre durt e veta”, ka treguar nëna e Faton Hajrizit.

 Më pas ajo përmend edhe një rast tjetër, kur thotë se djali i saj është vënë në dijeni nga një pastruese që të mos e hajë ushqimin në burg, meqë kanë dashur ta helmojnë.

“Ajo e ka lajmëru, mos e ha ushqimin se janë tu dashtë me të helmu. Në atë kohë na kanë lanë me i cu do keksa do sene. Ajo pastruesja i ka thanë mos e ha këto dy ditë ushqimin se janë tu dashtë me të helmu. Aty u kanë e mundshme çdo sen me i ndodhë”, ka thënë ndër të tjera./Express/