U largua nga drejtimi i QSUT-së, zbulohet kush do të zëvendësojë Albana Ficon

Shqiperi

Gazeta Express

25/03/2024 13:16

Pas largimit nga detyra të Albana Ficos, Alma Cami do të jetë drejtoresha e re e QSUT.

Cami aktualisht është nëndrejtoreshë tek spitali “Shefqet Ndroqi”.

Nuk dihet ende arsyeja e largimit të saj nga posti që e mbante prej 3 vitesh.

Kujtojmë se Fico mori detyrën në dhjetor të vitit 2021, ku zëvendësoi Enkelejd Jotin.

Fico është edhe pedagoge në Universitetin e Mjekësisë, ku prej më shumë se 4 vitesh drejtonte Institutin e Shëndetësisë Publik, veçanërisht në dy vitet më të vështira të pandemisë.