Chelsea e huazon Fofanan te një skuadër tjetër e Premierligës

Sport

Gazeta Express

13/01/2024 13:32

Burnley ka konfirmuar nënshkrimin me David Datro Fofana.

Sulmuesi i është bashkuar Burnleyt në formë huazimi nga Chelsea. Marrëveshja vlen deri në fund të sezonit, shkruan Gazeta Express.

Reprezentuesi i Bregut të Fildishtë e kaloi gjysmën e parë të sezonit në formë huazimi te Union Berlini.

21-vjeçari në verë do të rikthehet te Chelsea, për të parë pastaj se cila do të jetë e ardhmja e tij.

Fofana me “Blutë” ka kontratë të vlefshme deri në verën e vitit 2029. /Gazeta Express/