Operohet me sukses Albion Rrahmani

Sport

Gazeta Express

16/10/2023 22:27

Albion Rrahmani e ka kaluar me sukses operimin.

Kështu ka njoftuar sonte klubi i Rapid Bukureshtit, shkruan Gazeta Express.

“Albioni u operua me sukses nga doktor Vlad Georgeanu, mendërisht ai është shumë i fortë dhe është gati të nisë rrugën për t’u rikthyer në fushë! Kthehu më i fortë, Lewa!”, thuhet në njoftimin e klubit rumun.

Rrahmani u detyrua t’i nënshtrohet operacionit pas lëndimit që mori në ndeshjen e Kosovës ndaj Andorrës, në kuadër të kualifikimeve për “Euro 2024”.

23-vjeçari pësoi frakturë të fibulës dhe këputje të ligamenteve në kyçin e këmbës së djathtë. /Gazeta Express/