Dortmund – Milan, ndeshja kryesore e natës në Ligën e Kampionëve

Futboll

Gazeta Express

04/10/2023 12:26

Pas natës së mbrëmshme, edhe sonte do të zhvillohen ndeshjet e xhiros së dytë në garën e Ligës së Kampionëve. Koha është për skuadrat nga grupet E, F, G dhe H.

Vëmendjen do ta marrë grupi F, aty ku luhet dy ndeshje tejet interesante.

Borussia Dortmund-Milan, është kryendeshja e natës së sotme.

Të dy ekipeve iu nevojitet fitorja për të luftuar për një vend tutje, shkruan “Gazeta Express”.

Në xhiron e parë, Dortmundi u mposht nga Paris Saint Germani, derisa Milani luajti baras në shtëpi me Newcastle United.

Po në këtë grup, Newcastle e pret Parisin. Parisient kërkojnë suksesin e dytë rresht, derisa anglezët fitoren e parë në Ligën e Kampionëve.

Kampioni në fuqi i këtij kompeticioni, Manchester City luan në udhëtim te Leipzingu.

Të dy ekipet kanë realizuar fitore xhiron e parë. City mundi Crvena Zvezdën, derisa Leipzing Young Boys.

Në këtë grupin G, mes vete luajnë edhe Crvena Zvezda-Young Boys.

Dy skuadra me pikët e plota pas xhiros së parë në grupin H, Porto e Barcelona përballen me njëra tjetrën sonte.

Katalunasit deklasuan Royal Antwerpin, derisa Porto mundi Shaktar Donetsk.

Sfida e dytë e këtij grupi është Antwerp – Shakhtar, shkruan “Gazeta Express”. 

Në grupin e fundit të natë, atë E, Atletico Madrid e pret Feyenoordin.

Në xhiron e parë, Atletico barazoi me Lazion, derisa holandezët triumfuan ndaj Celtic.

E pikërisht, skocezët e presin Lazion, në kërkim të pikëve të para. /Gazeta Express/