Ra në kontakt me rrymën elektrike teksa po luante, lëndohet 11-vjeçari

Shqiperi

Gazeta Express

17/07/2023 19:28

Një 11-vjeçar është plagosur në Tiranë pasi ka rënë në kontakt me rrymën elektrike, teksa ishte duke luajtur.

Policia bën me dije se ngjarja ka ndodhur rreth orës 18:55, në rrugën “Irfan Tomini”, ku i mituri 11 vjeç, duke luajtur, aksidentalisht ka prekur kasetën që furnizon me energji elektrike pallatin, dhe ka rënë në kontakt me rrymën elektrike.

Mësohet se 11-vjeçari është dëmtuar dhe ndodhet në Spitalin e Pediatrisë, nën kujdesin e mjekëve.

Ndërkohë grupi hetimor po punon për sqarimin e rrethanave të ngjarjes.

/Gazeta Express