Vetura e mediumit kosovar goditet me plumb | Video

Gazeta Express

29/05/2023 20:44

Disa sulme ndaj gazetarëve dhe disa vetura të kompanive mediatike janë vandalizuar sot nga protestuesit serbë në veri.

Vetura e mediumit Syri Vizion nga Gjakova është goditur nga një plumb.

Gazeta Express ka siguruar pamjet e veturës, e cila është goditur nga plumbi në pjesën e prapme të saj.

Nga sulmi me armë ndaj këtij mediumi, nuk raportohet për lëndime në njerëz.

Përndryshe, gazetarë të shumtë kanë mbetur sot të ngujuar në objektin e Komunës së Zveçanit. Ata kanë arritur të largohen nga Zveçani vetëm pas tre orëve.