Myrto Uzuni mbrëmjen magjike e mbylli me një unazë, i propozoi në fushë të dashurës

Sport

Gazeta Express

28/05/2023 9:02

Të shtunën mbrëma, Granada e Myrto Uzunit u shpall kampione në La Liga 2 për të sigurar kështu rikthimin në La Liga.

Granada mposhti Leganes 2:0, teksa e mbylli sezonin në pozitën e parë me 75 pikë të grumbulluara, shkruan Gazeta Express.

Uzuni kontribuoi edhe në këtë fitore me një gol, për ta çuar në 23 numrin e golave këtë sezon, krahas pesë asistimeve.

Sulmuesi shqiptar e mbylli sezonin si golashënuesi më i mirë në kategorinë e dytë të futbollit spanjoll.

E pasi e mbylli një sezon fantastik, 27-vjeçari i propozoi për martesë të dashurës së tij. Propozimi u bë në stadiumin e Granadas.

Uzuni mori përgjigje pozitive, një “Po”, nga e dashura e tij. /Gazeta Express/