Burgu i Dubravës ka qenë cak i NATO’s për shkak se Serbia e përdorte për ushtrinë dhe policinë e saj

Lajme

Gazeta Express

22/05/2023 21:36

I mbijetuari i masakrës së Dubravës, Enver Dugolli, ka rrëfyer në Pressing të T7 për përjetimet aty.

Ai ndër tjerash ka thënë se burgu i Dubravës përdorej nga pushteti serb për ushtrinë dhe policinë.

Rrjedhimisht, burgu i Dubravës ishte cak i NATO’s për t’u bombarduar.

Këtë e kishin vënë në pah forcat serbe, kështu i kishin larguar të burgosurit serbë

”Ne nuk e dinimin a do të vazhdojë bombardimi apo jo në atë pjesë. Muri i burgut është i lartë shumë, gardianët dhe mbikëqyrësit janë tërhequr, i kanë tërhequr edhe burgosurit serbë, edhe disa të komuniteteve, brenda kemi qenë të burgosur shqiptarë. Ka pasur burgosur politikë, ka pasur të burgosur ordinerë, por një të përbashkët që e kemi pas është që kemi qenë shqiptarë”, ka rrëfyer Dugolli.

Ai ka rrëfyer zgjerisht për gjumin që më pas e kanë bërë në oborrin e burgut.

“Aeroplanët e NATO’s fluturonin, por nuk ndodhte asgjë”, tha Dugolli teksa refuzoi pretendimet e Beogradit që NATO po bombardonte.

“Kishte edhe të vdekur, përkundër kësaj ne ishim me ta”, ka thënë Dugolli. /Gazeta Express