Pse qentë anojnë kokën në situata të caktuara?

Mistere

Gazeta Express

23/03/2023 23:31

Kushdo që ka pasur një qen me siguri ka parë se si kafsha e tyre anon ndonjëherë kokën në përgjigje të një urdhri ose situate, dhe tani hulumtimi ka zbuluar arsyen e vërtetë për një lëvizje të tillë.

Hulumtimet tregojnë për faktin se animi i kokës mund të jetë një reagim ndaj një qeni të hutuar.

“Përkulja e kokës tek qentë është një sjellje mjaft e njohur, por u habita që askush nuk e kishte hetuar ndonjëherë”, tha autori kryesor i studimit Andrea Somese nga Universiteti i Budapestit.

Për studimin e parë, Somese dhe kolegët e tij analizuan 40 regjistrime të pronarëve që urdhëronin kafshët shtëpiake të merrnin një lodër duke thënë emrin e saj dhe vunë re se qentë e talentuar anonin kokën 43 për qind të kohës gjatë stërvitjes, ndërsa të tjerët e bënin këtë vetëm në 2. për qind e rasteve.

“Nuk po themi që vetëm qentë e talentuar anojnë kokën dhe se qentë tipikë nuk e bëjnë kurrë këtë. Qentë “tipikë” e bëjnë këtë gjithashtu, disa më shpesh se të tjerët, por në këtë situatë specifike ku pronarët kërkojnë një lodër me emër, vetëm qentë e talentuar anojnë kokën,” tha Somese.

Shkencëtarët arritën në përfundimin se animet e kokës mund të shoqërohen me tinguj që interesojnë, por edhe i ngatërrojnë qentë.

“Qentë anojnë kokën në situata të ndryshme, por duket se e bëjnë këtë vetëm kur dëgjojnë diçka që është shumë e rëndësishme për ta. “Kjo sjellje duket se është e lidhur ngushtë me perceptimin e zërit dhe mund të jetë diçka që ata bëjnë kur përpiqen të dëgjojnë më me kujdes ose kur janë pak të hutuar, ashtu si njerëzit”, shtoi ai.

Shkencëtarët kanë vënë në dukje se qentë e anojnë kokën në njërën anë më shpesh. Hulumtimet e ardhshme do të përpiqen të zbulojnë tinguj dhe përvoja të tjera që shkaktojnë këto reagime te qentë.

Hulumtimi është publikuar në revistën Animal Cognition .