Shkatërrohet mafia shqiptare në Ibiza, sekuestrohet droga me vlerë 4.1 milionë euro

Shqiperi

Gazeta Express

20/09/2022 10:42

Guardia Civil e Spanjës në bashkëpunim me Guardia di Finanza-n dhe karabinierët italianë kanë kryer një operacion të quajtur “Dragon Ball” dhe kanë shkatërruar dy banda të fuqishme që merreshin me trafikun e lëndëve narkotike.

Operacioni policor u nda në dy faza, një u krye më 13 Shtator dhe tjetri më 17 Shtator ku vetëm në Spanjë morën pjesë rreth 400 agjentë dhe objektiv i aksionit ishin dy organizata kriminale një shqiptare dhe një italiane.

Në total autoritetet kanë bërë 32 urdhër arreste ndaj shtetasve italianë, shqiptarë dhe hungarezë dhe janë kryer 42 kontrolle, 38 prej tyre në Ibiza, përveç gjetjes së vendstrehimeve në zonat e pyllëzuara të ishullit ku kishin fshehur drogën.

Gjatë operacionit janë sekuestruar 18 kilogramë metamfetaminë, me të cilën mund të prodhoheshin 870 mijë pilula ekstazi, 4,5 kg kokainë, një plantacion kanabisi me 600 bimë marihuanë, si dhe sasi të konsiderueshme lëndësh të tjera, peshim dhe shtypje. Janë konfiskuar dy armë zjarri, 330 mijë euro para të gatshme dhe 23 automjete të tipit të lartë.

Gjithashtu janë bllokuar 116 llogari rrjedhëse dhe 15 prona të larta të përdorura për pastrim parash. Ndër objektet e sekuestruara janë sekuestruar ora luksoze, bizhuteri, dokumente që lidhen me llogari bankare jashtë vendit, dokumente false identiteti, frenues frekuencash, një mori celularësh, memorie USB, tableta dhe pajisje të tjera elektronike.

Objektivi i këtij operacioni kanë qenë dy organizata kriminale, njëra me origjinë italiane dhe tjetra me origjinë shqiptare, me bazë në ishull dhe me degë në zona të tjera të Spanjës dhe jashtë saj. Autoritetet konsiderojnë se është parandaluar futja në tregun e zi e më shumë se 94 mijë dozave MDMA dhe kokaine, me vlerë 4.1 milionë euro dhe janë imobilizuar pasuri të paluajtshme me vlerë 22 milionë euro.

Organizata kriminale e zbërthyer me origjinë italiane është e lidhur me Ndrangheta, e njohur për trafikun e drogës në shkallë ndërkombëtare, duke përfshirë laboratorët e drogës dhe magazinat e fshehura, përdorimi i automjete të pajisura me sisteme të sofistikuara fshehjeje dhe varka për transportin e kokainës. Destinacioni i drogës ishte kryesisht Italia dhe Spanja dhe vinte direkt nga Amerika e Jugut.

Anëtarët e kësaj organizate shquhen për përdorimin e dhunës, kanë përdorur metoda si tortura, madje kanë kryer edhe vrasje në Itali. Gjatë hetimeve është evidentuar mbajtja e armëve të zjarrit nga të ndaluarit në Ibiza.

Sa i përket organizatës shqiptare të shpërbërë, e karakterizuar nga të njëjtat metoda të dhunshme si ajo italiane, por me armë zjarri dhe drogë në ishullin Ibiza.

Të dyja organizatat investuan fitimet e tyre përkatëse në prona të paluajtshme në destinacionet kryesore turistike në Evropë, ndër të cilat spikat ishulli Ibiza.

/Gazeta Express