Britania e Madhe, “non grata” për emra të njohur shqiptarë, reagon Alibeaj: Konfirmohen denoncimet tona

Shqiperi

Gazeta Express

21/07/2022 16:50

Kreu i Grupit Parlamentar të PD-së, Enkelejd Alibeaj ka reaguar lidhur me sanksionet e ndërmarra nga Britania e Madhe për disa individëve shqiptarë me lidhje me kriminalitetin dhe korrupsionin.

Ambasada britanike në Shqipëri e shpërndau mesazhin nëpërmjet të dërguarit të posaçëm të kryeministrit britanik në Ballkanin Perëndimor, Sir Stuart Peach por duke mos i treguar emrat e tyre dhe nëse janë apo jo politikanë.

Lexo edhe: Britania e Madhe, “non grata” për emra të njohur shqiptarë: Akuza për korrupsion

Alibeaj shprehet në reagimin e tij se kjo konfirmon qartë të gjitha denoncimet që ka bërë PD, para gjatë dhe pas procesit të 25 prillit.

Postimi i Alibeajt:

Konfirmimi më i qartë i të gjithë denoncimeve tona, para gjatë dhe pas procesit të 25 prillit. ?

“Mbështetja që disa personazhe publike marrin nga kriminelët në këmbim të korrupsionit mbyt zërin e popullit shqiptar.

Siç tregon raporti i OSBE-së për monitorimin ndërkombëtar të zgjedhjeve parlamentare të vitit të kaluar, blerja e votave dhe keqpërdorimi i fondeve publike vazhdojnë të jenë një problem madhor në politikën shqiptare. Për sa kohë që politikanët janë në gjendje të punojnë me kriminelët për të blerë, shantazhuar dhe frikësuar votuesit, demokracia shqiptare do të mbetet e brishtë dhe e paplotë. Tani nevojiten ndryshime të mëtejshme dhe reforma zgjedhore.

Krimi i organizuar dhe korrupsioni në Shqipëri – dhe më gjerë në rajon – nënkuptojnë gjithashtu se shuma të mëdha fondesh shtetërore, të mbledhura nga taksapaguesit e zakonshëm, nuk arrijnë kurrë në shkollat, spitalet dhe rrugët që shqiptarëve u duhen për të ndërtuar një shoqëri të shëndetshme dhe të begatë.”

I dërguari special i kryeministrit britanik në Ballkanin Perëndimor Sir Stuart Peach. ?????/Gazeta Express