Kurti mban një takim “miqësor” me Lajçakun përpara se të niset për në Shkup

Lajme

Gazeta Express

17/09/2021 20:03

Kryeministri Albin Kurti ka mbajtur një takim, siç po e quan ai, miqësor me ndërmjetësuesin e BE’së për dialogun Kosovë-Serbi, pas mbarimit të vizitës tre-ditore të këtij të fundit në Kosovë.

Një gjë të tillë e ka konfirmuar vetë Kurti me anë të një postimi në llogarinë zyrtare në ‘Twitter’, duke thënë se ia afirmoi këtij të fundit përspektivën evropiane të vendit, shkruan Gazeta Express.

“Pas takimit tonë të mërkurën, këtë të pasdite pata një takim miqësor me Miroslav Lajçak përpara nisjes për në Shkup. Ia riafirmova atij angazhimin e Kosovës për marrëdhënie të mira fqinjësore dhe përspektivë të përbashkët evropiane të vendit”, shkroi kryeministri.

Përgjatë takimit të së mërkurës, është diskutuar për mbarëvajtjen dhe hapat e ardhshëm në procesin e dialogut mes Kosovës dhe Serbisë, por nuk janë dhanë detaje të tjera. /Gazeta Express/