Çfarë është Gastroskopia?

Shneta

Gazeta Express

02/07/2021 12:06

Çfarë është Gastroskopia?

Shneta

Gazeta Express

02/07/2021 12:06

Gastroskopia është një ekzaminim bazë dhe mjaft i zakonshëm në fushën e Gastroenterologjisë.

Është një metodë për të ekzaminuar pjesën e sipërme të Traktit Tretës, i cili përbëhet nga Ezofagu, Stomaku dhe Duodeni.

Ky ekzaminim kryhet me ndihmën e një endoskopi, i cili është një instrument fleksibel në formën e një tubi të hollë dhe i pajisur me një sistem video-optik.

Me anë të tij Mjeku Gastrolog mund të shohë dhe të vlerësojë sipërfaqen e brendshme të traktit tretës.

Gastroskopia si ekzaminim zgjat vetëm pak minuta.

Kjo metodë ekzaminimi nuk shkakton dhimbje pavarësisht se mund të përshkruhet si një ekzaminim i pakëndshëm për pacientin. Orofaringu (Fyti) do të mpihet me një lëndë Anestetike lokale, për të ulur ndjeshmërinë dhe për ta bërë më të lehtë kalimin e Gastroskopit.

Mund të aplikohet edhe proçedura e Sedacionit, nëse pacienti do ta kërkojë. Me anë të kësaj proçedure pacienti bie në një gjendje gjumi e cila bën të mundur që ekzaminimi të kalojë pa u kuptuar.

Para procedures pacienti duhet të ketë të paktën 6 orë pa konsumuar ushqim dhe 4 orë pa konsumuar lëngje.

Gastroskopia rekomandohet tek personat që paraqesin shqetësimet si:

– Vështirësi në gëlltitje.

– Urth.

– Dhimbje ose ndjenjë parehatie në pjesën e sipërme të barkut.

– Ndjesi e ngopjes së shpejtë.

Nëpërmjet Gastroskopisë vendosen në mënyrë përfundimtare diagnoza si:

Gastriti.

GERD.

Ulçera të Ezofagut, Stomakut, Duodenit.

Tumore beninje apo malinje.

Variçe të Ezofagut, Stomakut (Ciroza Hepatike).