Njihuni me mjekët tanë

Shneta

Gazeta Express

16/04/2021 11:48

Prof. Asoc. Dr. ANTIGONA HASANI, Specialiste e Anesteziologjisë, Reanimacionit dhe Mjekimit Intensiv

Prof. Asoc. Dr. Hasani ka përfunduar Fakultetin e Mjekësisë, në Universitetin e Prishtinës, kurse specializimin nga lëmia e Anesteziologjisë, Reanimacionit dhe Mjekimit Intensiv e ka kryer në Universitetin Marmara, në Istanbull, Turqi.

Në po të njëjtin universitet ka fituar edhe titullin e subspecialistit nga lëmia e Neuroanestezionit.Titullin e Magjistrit të Shkencave të Mjekësisë e ka fituar në Fakultetin e Mjekësisë, në Universitetin e Prishtinës, kurse Doktor i Shkencave të Mjekësisë është promovuar në Fakultetin e Mjekësisë, në Universitetin e Shkupit, Maqedonia e Veriut.

Prof. Dr. Antigona është shefe e katedrës dhe ligjëruese e lëndës Anesteziologji dhe Reanimacion, në Fakultetin e Mjekësisë, Universitetin e Prishtinës.

Ajo ka një eksperiencë mbi 20 vjeçare si specialiste e Anesteziologjisë, Reanimacionit dhe Mjekimit Intensiv, kurse karrierën e specialistit e ka filluar në Turqi dhe tani e vazhdon në Kosovë.

Prof. Antigona është autore e shumë punimeve shkencore, librave dhe prezentimeve në kongrese kombëtare dhe ndërkombëtare. Ajo është themeluese e Asociacionit Kosovar të Anesteziologëve, Shoqatës Kosovare për Menaxhimin e Rrugëve të Frymëmarrjes dhe Kosova Resuscitation Society.

Prof. Dr. Antigona Hasani është pjesë e Departamentit të Anesteziologjisë dhe Reanimacionit, në Spitalin Amerikan Kosovë, prej themelimit të tij.Interesimet e ngushta profesionale janë: neuroanestezioni, anestezioni pediatrik, anestezioni obstetrik, mjekimi intenziv dhe trajtimi i dhimbjes.

Për më shumë informacion, kontaktoni në inbox ose në numrat e telefonit 038 221 661 ose 049 513 513.Spitali Amerikan,

Përqafoje Jetën!#spitaliamerikan#perqafojejeten