Bislimi i LDK’së: Pretendoj ta bëj Kosovën sikur Zvicra e Britania e Madhe

Lajme

Gazeta Express

12/01/2021 22:35

Faton Bislimi i LDK’së ka komentuar Marrëveshjen e Uashingtonit, më saktësisht pikën ku Kosova heq dorë nga antarësimet ndërkombëtare.

“Zvicra është bërë anëtare e Organizatës së Kombeve të Bashkuara para rreth 10 viteve. A mundemi me thanë që Zvicra ka heq dorë nga shtetësia për faktin që s’ka qenë anëtare në OKB? Britania e Madhe që doli nga Bashkimi Evropian, a hoqi dorë nga shtetësia e saj?”, tha fillimisht Bislimi.

Ai tutje ka thënë se ka ambicie të mëdha për shtetin e Kosovës.

“Unë pretendoj me bo Kosovën ma mirë se Zvicra e Britania e Madhe në të ardhme afatgjate. Unë e di që sot nuk është, por nëse ne nuk kemi ambicie me bo këtë vend qashtu, çka lypim ne në politikë”, tha Bislimi në debatin Kallxo Pernime.